د کمپيوټر ساينس پوهنځي محصلانو کابل ته علمي سفر تر سره کړ.
د شیخ زاید پوهنتون کمپيوټر ساينس پوهنځي د معلوماتي ټکنالوژي او معلوماتي سيستمونو څانګو د څلورم ټولګي محصلانو د دوو تنو استادانو تر لارښوونې لاندې په مرکز کابل کې د يو شمېر اړوندو ادارو څخه د علمي سفر په ترڅ کې ليدنه ترسره کړه.
په ياد سفر کې د کابل پوهنتون، مخابراتو او معلوماتي ټکنالوژۍ وزارت، د کابل مخابراتو او معلوماتي ټکنالوژۍ رياست اړوند د ډاټا مرکز، د کابل پوهنتون معلوماتي ټکنالوژۍ مرکز، د کابل پوهنتون کمپيوټر ساينس پوهنځي کمپيوټر لېبونو او يو شمېر نورو اړوندو ځايونو او وسايلو څخه ليدنه وشوه، چې د مربوطه مسؤلينو لخوا یې په اړه محصلانو ته ګټور معلومات ورکړل شول.
په یادو عملي زده کړو سره به محصلان په راتلونکي کې وکولی شي چې د کمپيوټر ساینس او ټکنالوژۍ اړوند برخه کې ټولنې ته موثر خدمات وړاندې کړي.
نېټه: شنبه
۱۴۴۷ هـ.ق کال د ذوالحجة الحرام شپږمه
۱۴۰۵ هـ.ش کال د جوزا دویمه
۲۰۲۶ م کال مې د ۲۳مه
نشراتو او عامه اړیکو آمریت
