د ژورنالېزم او عامه اړیکو پوهنځي محصلانو ته د مېلمه ویاند برنامه وړاندې شوه.
د ژورنالېزم او عامه اړیکو پوهنځي محصلانو لپاره د مېلمه ویاند برنامې په ترڅ کې د ژورنالېزم اړوند ځینې اړین موضوعات په عملي ډول وړاندې شول.
په دغه برنامه کې محصلانو ته په عملي بڼه د تلویزیوني راپور جوړولو او د کاري ساحې جوړو شویو راپورونو عملي تجروبې، د فوټو ژورنالېزم اړوند مسلکي ويډیو، تصویر او سټېنډاف اخیستنې، په بېړنیو حالاتو کې د راپور جوړولو هنرونه او لارې چارې، د ژورنالېزم اړوند نورو موضوعاتو په اړه په عملي بڼه معلومات وړاندې شول.
یاده برنامه د محصلانو چارو معاونیت اړوند د محصلانو خدمتونو او انسجام آمريت د رسنیو مرکز له لوري ترتیب شوې وه، چې د پژواک خبري آژانس خبریال یوسف منګل لخوا وړاندې شوه.
نشراتو او عامه اړیکو آمريت
